|
|
|
 |
Sab kuch sunna kuch na kehna kitna mushkil hai
Tum se bichar kay zinda rehna kitna mushkil hai
Jin rahoon par saath chaley the har mosam mein sathi
Un rahoon par tanha chalna kitna mushkil hai
Qadmoon ki raftaar se aage waqt yahaan chalta hai
Sheher mein ab logoon se milna kitna mushkil hai
Rashid kitni rahein Badlo paaon behek jaatey hein
Mai khaney se bach ke nikalna kitna mushkil hai
Yeh aaeney se akeley mein guftugu kia hai
Jo mein nahi to phir terey ru ba ru kia hai
Izi ummeed pe kaati hai zindagi mein ne
WO kaash poochte mujh se ke aarzo kia hai
Yeh rang-e-gul, yeh shafaq aur yeh taabishein anjum
Tera jamal nahi hai to chaar su kia hai
Kioon un ke saamne tum dil ki baat karte ho
Jo khud samajhte nahi dil ki aabru kia hai |
| |
|
|
